Залуу Эдийн засагч клуб

Залуу Эдийн Засагч Клубын тухай

Залуу эдийн засагч клуб нь өөрсдийн эдийн засгийн боловсрол, оролцоог нэмэгдүүлэх эрмэлзэлтэй оюутан залуус, залуу удирдагч хүн бүрт зориулсан интернэтэд суурилсан клуб юм. Клуб нь өөрсдийн вебсайтаар дамжуулан мэдээ мэдээлэл хүргэх, мэдээлэл солилцох, хэлэлцүүлэг өрнүүлэх замаар гишүүдийн болон олон нийтийн эдийн засгийн боловсролыг дэмжих, оролцоог идэвхжүүлэх зорилготой ажилладаг. Манай клуб нь эдийн засгийн шинжлэх ухааны бүхий л ойлголт, үүнд эдийн засгийн үндсэн ойлголтууд, онол, туршлага, нийгэмд тулгараад буй эдийн засгийн холбогдолтой асуудлуудын талаар вебсайт дээрээ нийтлэн мэдээлдэг ба улмаар гишүүд, сонирхогчдын хоорондын санал бодлоо солилцох гол гүүр болох зорилготой.

Клуб нь анх 2001 онд ХБНГУ-н Хайделберг хотод эдийн засгийн чиглэлээр их дээд сургуульд суралцдаг оюутнуудын санаачлагаар байгуулагдсан бөгөөд тухайн үед и-мэйл лист, вебсайтаар дамжуулан гишүүд хоорондоо харилцдаг байсан. 2010 оноос үйл ажиллагаагаа шинэ түвшинд эхлүүлэн, шинэ вебсайттайгаар залуу оюутнууд, судлаач, сонирхогч,  сэтгүүлчдэд чиглэсэн мэдээлэл түгээх зорилготойгоор ажиллаж байна.  

ЭРХЭМ ЗОРИЛГО

Монгол улсын хөгжил, эдийн засагт хүн бүрийн оролцоо, хувь нэмрийг нэмэгдүүлэх, эдийн засгийн боловсролыг дэмжих

 АЛСЫН ХАРАА 

Гишүүд, сонирхогч, дэмжигч хоорондын санал бодлоо солилцох гол гүүр болон хүн бүрийн өдөр тутмын орох дуртай, буух дуртай өртөө болох